f Lai Pathian Hla -->
  • Leidip Lakin A Ka Cawi
  • Damnak Thisen Sung
  • Hallelujah Amen
  • Ka Ngaithiam Ko
  • Khrih Ruangah Tuarnak
  • Caan Ṭha Kan Ngei Lio ah
  • Zion Fadawt

Tial Thar Hla-Bia Lyrics

⚠ Hi Blog hi cu http://laipathianhla.blogspot.in/ ah thleng a si cang.
Font Style le Font Size Tlengnak :


Kum Thar In A Kan Don
(Lyrics)
Key : F

Kum hlun a liam riangmang, kum hlun chungah kan tonmi vialte le
Ngaihchiat, lawmhnak kan tonmi vialte zong, caan sin an liam dih cang..
Hawi cheukhat hna nunnak zong, kum nih liampi hna ee..

Kum a thar bang, kan nun thar chuah than usih
Bawipa dawtnak ruat than buin
Kum thar ni ceu lawmhnak in hmang cio usih
Bawipa nang nih lam kan hruai law.. zungzal in..
Thluachuahnak kum si ter..

Kumhlun nun kaltak in, kan ruahnak le, kan lungput kan zeizong
Tharchuah than in, remh than cio hna usih, kan nun santlai dingin
Lunun ngamdam kan pe Bawipa, lawmhnak kum tha si ter..

Kum hlun nun kan ruah ah, kan cung a tlungmi thil vialte hna cu
Kir than um loin, caan nih liampi cang, thazaang thar la ding le
Nun thar thawk ding in Bawipa nih, kumthar in a kan don..

Kum Thar In A Kan Don

Tial Tu: Lai Pathian Hla Caan: 24 December


Kan Ruah Channak Hrampi
(Lyrics)
Key : D

Vailam tah cungah khamhtu Bawi
Kan rualnak caah thihnak a in
Thir an khenh, hling luchin an chinh i
Fei in a hnak ah an chunh..
Thisen in vawlei a tawl cang
Bawipa dawtnak a ngan hrinhran..

Zei kan tuah ti an hngal lo, an sual ngaithiam ko hna
Ka pa tiin kan ca thla a cam, rian kaa lim tiin a au
Luruh tlang car cungin, na dawtnak ruah ah lawmhnak a tam
Horha bang kan sualnak a thiang, Bawipa thletmi thisen thawngin..

Sualforhnak chungin kan luat cang
Kan nunnak ngeitu Thlarau Thianghlim
Hallelujah thangthat hla sa in
Lawmhin a min kan thangthat
Zumhnak in hmai lei kan kal lio
Bawipa kan ca a tha hringhran..

Bridge :
Bawipa min thangthat a nuam
Kan thlarau thazaang a si
Kan ruahchannak hrampi a si..

Kan Ruah Channak Hrampi

Tial Tu: Lai Pathian Hla Caan: 24 December


Pathian Pekmi Kan Ram
(Lyrics)
Key : C

Chuahsemnak Lailungrawn le, Runinn dawh kan ruah zawn ah semhniang kan si lio 
Sunghno nu t'angnem cungah, hnukthlum he zeithei loin len lio caan kha 
Lungkil mitthlam ah an cuang, philhni a um kho lai lo semnak Lairam dawh 
Zei nih iang kholo Pathian thluachuahmi ram..

Kan semnak Lairam dawhte hi Pathian pekmi ram asi 
A chungah siasal nun thalo um hlah seh 
Kan nunphung kanholh kanram nih miphun sinak a langhter 
Pathian pekmi kan ram kilhkamh cio usih 
A chungah dawtnak le dinnak in khat seh..

Chuahsempi rualhawi hna he, chumtual ah nuam chialmal in lennuam kan celh zawn 
Khuapau caan hun phan than kaw, tlangkip ah meithang zaam he tlangza lennak 
Siangkhan thir meithal put in, ramtlong sa kan khalh tawnnak le tingahring dawi 
Ka ruah zawn semnak ram ngeihnak a zual chin..

Kan semnak Lairam dawh in, a sem miphun tanh hawidawt hi zai hlasung in 
Thinlungne ah a caammi, miphun le ram dawtnak biazai kan cah hna 
Kan dirnak suttung himtu, miphundang nunzia thalo vialte cawng loin 
Dinnak le dawtnak in humzual cio usih..

Pathian Pekmi Kan Ram

Tial Tu: Lai Pathian Hla Caan: 24 December



Messiah a Chuak Cang
(Lyrics)
Key : C

Khrih khamhtu a chuak cang, Zungzal thangthat siseh..

Zaanmui lakah a vaimi nih, Ceunak nganpi kan hmuh cang
Thihnak thladem tang ummi ca'h, Lawmhnak niceu a tlang cang..

Mi khamhtu Bawi Messiah kan caah a chuak cang
A min cu remnak le daihnak Bawipa a si
Khuaruahhar, fimchimtu, a thawngmi Pathian fapa, Khrih a si
Zungzal a hmunmi daihnak kan Bawipa a si
A pennak ram cu daite in a uk cang lai..

Khrih khamhtu a chuak cang, Zungzal thangthat siseh
Kan sual phurrit bainak hngawngkual, a khiah dih cang Bawipa nih..
Lawmhnak hlathar kha sa dingin, thihnak in a kan khamh cang..

Messiah a Chuak Cang

Tial Tu: Lai Pathian Hla Caan: 24 December


Ka Nunnak Caan Liam Hlan Ah
(Lyrics)
Key : G

Minung hi ser hramthok in, vawlei in sermi kan si 
Kan nunnak hi Bawipa hlanhmi kan si 
Nikhatkhat cu leidip ah, kan kir than cio te hna lai 
Hawidawt nang na thih hnu ah, zei lam dah na panh lai..

Thihnak lam le nunnak lam, pahnih zulh dingmi kan ngei 
I ruat tuah zei lam dah na zulh ve lai 
Lei pumsa duhnak lam cu, thlarau nun thihnak a si 
Khrih vailamtahnak lam cu, zungzal nunnak asi..

Kan nunnak caan liam hlan ah, thih hnu thlan pinlei nunnak 
Ruat in zungzal nunnak Khrih panh usih 
Zeitik kan thih te lai hi, hohmanh nih kan hngal kho lo 
Nihin kan nunnak hna hi Bawipa ca hmang hna sih..

Kum 100 a nung ding in, i ruat law riantuan tei ma 
Na thlarau zungzal nunnak ding caah 
Thaizing ah a thi ding in, i ruat law a tu thlacam 
Zungzal in zungzal hremhmun, hellram kan panh sual lai..

Hi vawlei kan taksa hi, theh in vui asi tikah 
Jesuh Khrih a zummi vialte hna cu 
Thihhnu thawhthannak ni ah tlanh ciami vialte hna he 
Zungzal ramnuan bik ahcun lawm in kan leng cang lai..

Ka Nunnak Caan Liam Hlan Ah

Tial Tu: Lai Pathian Hla Caan: 24 December


Mi Khamhtu Bawi a Chuak Cang
(Lyrics)
Key : D

(Christmas Kan Phan Cang)x2
Christmas Dam tein kan phan cang

Zaan Thlapa le Arfi hna nih
Dai zirziar in an vaang
Mi khamhtu naute cu an lawmh cio
Zuunngaih in mitthli tla mi hna
I lawm cio cang usih
Mi khamhtu Bawi a chuak cang..

Zaantim ah tuukhal hna zong nih
Naute Jesuh an kawl
Bethlehem caw rawl kuang ah an hmuh
Lungretheihnak vialte hlawt in
Naute Jesuh an lawmh
Mi khamhtu Bawi a chuak cang..

Mi Khamhtu Bawi a Chuak Cang

Tial Tu: Lai Pathian Hla Caan: 23 December


Hnangam Tertu a Tlung - (ZBC : 174)
(Lyrics)
Key : C

Minung umnak kip ah, Hi thawng hi thanh tuah u
Minung lung chung kip ah, Fahnak umnak paohah
Khrihfa-mi vialte nih, Hi lawmhnak thanh hna seh
Hnangamtertu a tlung..

Hnangamtertu a tlung, Hnangamtertu a tlung,
Vancung in Thiang Thlarau, Pa nih a kan kamhmi
Minung umnak kip ah, Hi thawng hi thanh tuah u
Hnangamtertu a tlung..

Zan mui cu kan lonh cang, Kan ca khua a dei i
Vawlei lungthin tihnung, A dai ngaihchiatnak kha
Kan ralchan tlangcung in, Ni a chuah bantuk khin
Hnangamtertu a tlung..

Bawi vialte Siangpahrang damnak kha i put in
Sualnak chung sal tangmi, Luatnak kha a pek hna
A luatmi vialte nih, Hi teinak hla an sa
Hnangamtertu a tlung..

Kan lungthin chungah hin dawtnak hi karh ko seh
Zungzal lotlau ding kha kan zaangfahnak hna hnga
Vawlei sual mui chungah, kannih ceuter awkah
Hnangamtertu a tlung..

Maw van hram deng tiangin, mah hi thang dih ko seh
Van mi-thiang hna bangin, vawlei mi vialte nih
Donghnak ngei lo dawtnak, hla hi sa cio u si
Hnangamtertu a tlung..

Hnangamtertu a Tlung

Tial Tu: Lai Pathian Hla Caan: 23 December


Van Siangpahrang
(Lyrics)
Key : F

Vawleicung khamhtu Bethlehem khua ah
Messiah cu a hung chuak cang
Tuukhal le mifim pathum hna zong nih
A arfi ceu dawh cu zulh in Khrih Bawipa cu an biak..

Lungthin dihlak in lawm cio hna usih

Van Siangpahrang nih Eden dum dawh ah
Kan thlaumi nunnak Sui Luchin dawh cu
A kan pek ṭhan cang Hallelujah..
Sualnak a teitu le thihnak a teitu
Ramro cung le caw inn ah si ti loin
Kan thinlung ah a tu chuak a duh..

Nang le kei khamhtu Pathian fapa cu
Na nunnak uktu si ding ah
Na thinlung tlang sang kha ṭhum in bia law
Na bawi ah ser law amah nihcun lawmhnak an pek lai..

Toidornak nun in vawlei a teitu
Bawi vialte Bawibik Siangpahrang
Vawlei in van tiang kan thangṭhat dingmi
Thihnak kut chungin chanhtu le nunnak petu a si..

Van Siangpahrang

Tial Tu: Lai Pathian Hla Caan: 23 December


Sertu Lianngan
(Lyrics)
Key : C

[Ohh..Oww….]x4

Na bia in van kual na ser, A toi ah vawlei na ser
Kan Pathian khuaruahhar sertu, Kan Pathian a lianngan sertu..

Zing niceu cerhlian ni nu, Zaan Thlapa, Arfi na ser
Kan Pathian khuaruahhar sertu, Kan Pathian a lianngan sertu..

Pre :
Cu lakah minung zong, Na mui keng in na ser
Zei ko hen kan si i Bawipa, Na hnakkar ah na tenh
Sermi thil zoh khenh rian na kan pek..

CHO :
Kan aw ngeih dih lak in, Sunparnak kan I pek
Thangṭhatnak kan I pek, Halelujah…
Sermi thil vialte nih, na thil ti khawhnak an langhter
Bawipa nang bang a thawng, Bawipa nang bang Lianngan Bik
Hohmanh um lo..

[Ohh..Oww….]x4

Hringdidel thing kung hna in, Na sermi thli thiang te kan dawp
Par phung tling nih vawlei an dawhter, An rim hmui nih milung an lawmhter..

Ram tlawng sa phun tling na ser, Ti tlong hna phun tling hna zong hi
Bawipa naa kutneh lawng te an si, Kan Pathian a lianngan sertu..

Sertu Lianngan

Tial Tu: Lai Pathian Hla Caan: 23 December


Bethlehem Arfi
(Lyrics)
Key : D

Judah Siangpahrang Mesaiah, Nau sem in arak chuah lai zan ah
Khuaruahhar in van Arfi ceu dawh, Nichuah lei ram in a hung chuak ee
Arfi zohthiam mifim rual hna nih, Nau sem biak ding ah a hung an zulh
Arfi nih lam a hruai hna Bethlehem lei ah..

Maw.. Bethlehem Arfi, lam kan hruai law
Maw.. Nichuahlei Arfi, ceunak kan pe
Khamhtu Khrih tong ding in, muinak chung in
Lam palhmi hna lam ding chungahKan hruai ṭhan ko..
Maw.. Arifi ceu..

An rak ruah sual ee mifim rual nih, Hmun sang zoh in Herod sin an phan
Cu ruangah kumhnih tang pa ngakchia, Hna thisen cu tiva bang a luang
Sihmanhseh van lei an hun zoh i, Arfi a lang ṭhan a hung cei i
An hmai in a hruai ṭhan hna Bethlehem lei ah..

Hawidawt nang nitin na nunnak ah, Hmun sang zoh in lam na tlau ve maw?
Lamhruaitu arfi ceu ngei loin, Muihnak nih na lam a khuh tawn maw?
Sihmanhseh van lei hun zoh ṭhan law, Zumhnak in thlacam a ceu ṭhan lai
Na hmai in lam an hruai lai Bawi hrinthar sin ah..

Bethlehem Arfi

Tial Tu: Lai Pathian Hla Caan: 23 December




Nunnak a Hung Cang
(Lyrics)
Key : F

Tu hi kan hung phan ṭhan cang, mi vialte caah thawngṭha
Laksawng sunglawi bik kan ca'h Jesuh a chuak cang..
Chiatserh cia mi kan nunnak, thurhnawm bik thianter awkah
Pathian fapa hrim kan sual tlanhnak ding, kan ca'h a hung chuak cang..

Hallelujah Amen! Daihnak leng cang seh
miphun vialte nih, a min cu thangṭhat seh
Kan ca'h a niambik mi hmun, cawrawl einak kuang aa thlim
Thangṭhat U, thangṭhat U, nunnak a hung cang..

Bawibik sunparnak pek ding in, kan ngeih sunglawi bik putin
Kan thinlung hi a lei ah mer usih..
Amah bangin a thiangmi nunnak, sual tei nun kan ngei nak hnga
Kan thinlung ah hmunhma pe hna usih, cucu a kan duh piak..

Jesuh sunparnak pek ding in, kan ngeih sunglawi bik putin
Kan thinlung hi a lei ah mer usih..
Amah bangin a thiangmi nunnak, sual tei nun kan ngei nak hnga
Kan thinlung ah hmunhma pe hna usih, cucu a kan duh piak..

Nunnak a Hung Cang

Tial Tu: Lai Pathian Hla Caan: 22 December



Jesuh Min Ah
(Lyrics)
Key: A#

Na min in damnak kan hal i
Kan zawtnak chungin damnak a kan pek
kan Pathian nih..
Na min in lawmhnak kan hal i
Sifahnak chungin lawmh nun a kan pek
Kan Pathian nih..

Thawngnak a um Jesuh na min ah
Damnak a um Jesuh Min Ah..

CHO :
Rulhreu an zam I khuavang zong nih an tih
Hmual ngei a thiang na min kan chim ah
Mizaw damnak kan hmuh, rethei dinhnak kan hmu
Jesuh na min in kan hal tikah..

Na min in ṭhawngnak kan hal i
Kan sual tei khawhnak thlarau a kan pek
kan Pathian nih..
Na min in luatnak kan hal i
Muihnak hell chungin luatnak a kan pek
Kan Pathian nih..

Teinak a um Jesuh na min ah
Luatnak a um Jesuh min ah


Thawngnak a um Jesuh na min ah
Damnak a um Jesuh min ah..
Teinak a um Jesuh na min ah
Luatnak a um Jesuh min ah..

Jesuh Min Ah

Tial Tu: Lai Pathian Hla Caan: 22 December


Mi Vialte Lunglawmhnak
(Lyrics)
Key : D

Ngai hmanh uh zan tim van mi hna hla sak thawng cu
Tuukhal hna thinlung lawm tlung i thinphan tertu
A sangbik van ah Pathian thangṭhat in um seh
A dawt mi hna um nak vawlei ah rem nak leng seh..

Pre:
Mi vialte caah lunglawmhnak thawngṭha
David khua cungah kan khamhtu kan Bawipa
Jesuh Khrih cu a chuak cang ee.. Hallelujah..

CHO :
Lawm in hla sa uh sih a min Emanuel
Pathian kan sin ah a um cang
Bethlehem khua Judia ram ah a chuak cang
Bawi Jesuh cu ...Aww.. Happy Christmas to you
Aww.. Happy Christmas to you
mi vialte cungah daihnak um seh..

Cu zan dawh hlei khun van Arfi le Thlapa
Ser mi thil vialte nih sertu an thangṭhat zan
Ni chuah lei mifim hna zong nih van Arfi zul inn
An khup bil in an biak an ro thil lak sawng an pek.

Zumtu hna thinlung Bethlehem caw Inn chung ah
Nau thar hmui duhnung tei dor nak puan i tuam cu
Cawrawl einak kuang misual nang le kei nunnak
Rem nak sertu a chuak lunglawm in hla sa u sih..

Mi Vialte Lunglawmhnak

Tial Tu: Lai Pathian Hla Caan: 22 December




Lawmhnak Ni Thar
(Lyrics)
Key : C#

Christmas lawmhnak ni thar a chuak cang
Zaihla dawh he Christmas lawmh cio u sih
Lung a kuaimi vialte i lawm cang usih
Bethlehem ah kan khamtu a chuak cang..

Tlun inn tong lo khuasik zaan dai ah
An in thilm maw Van Bawi Fapa hniang
Kan sual ruangah na tuar a fak tuk ee
Na kan dawtnak vel hi a ngan tuk ee..

Lam hmuhsaktu a chuak a Arfi
Lawmh na duh cun an hruainak kha zulh tuah
Hi vawlei dawhnak le sunparnak nih
Khrih cu tong lo ding in an phenh sual lai..

A Lianngan Bik Fapa cu panh in
Zaan tuukhal le mifim bang kan tlau maw?
Hi vawlei cung mit in hmuh khawh lomi
Toidornak ruun inn ah khin na ton lai..

Lawmhnak Ni Thar

Tial Tu: Lai Pathian Hla Caan: 22 December


Zantim ah Tukhal Nih
(Lyrics)
Key : D

Zaantim ah tukhal nih, Van ah ceu dawh an hmuh
Vanmi nih tih hlah uh a ti, Nan ca'h thawngṭha kaa phorh.
Nihinah David khua ah, Mi Khamhtu cu a chuah cang
Caw rawl einak kuang chungah ah an thlim, Kha nan hmuh lai aa ti..

(Christmas Caan kan phan)x3
I lawm cio uh..
Christmas thluachuahnak cu
Kan cungah um ko seh
Christmas ni lawmhnak sungbik cu
Kan cungah um cio seh..

Zaantim ah tukhal nih, Van hlaremh dawh an theih
A sanbik van ah khin Pathian, Thangṭhat siseh an ti..
A dawtmi hna an umnak, Leicungah daihnak um seh
Misual remhnak piak leng ko seh, Vanmi run nih an sa..

Nichuah lei siangpahrang, Arfi zoh thiam hna nih
Khuaruahhar Arfi cu zulh in, Bethlehem ah an phan..
Sui, Zihmui le, Cinthling cu, an laksawng pekmi aa si..
Uk-tu, tlangbawi le, mi Khamhtu ti'n hmehchunhnak an si..

Zantim ah Tukhal Nih

Tial Tu: Lai Pathian Hla Caan: 22 December


Kan Sunhsakmi Christmas
(Lyrics)
Key : E

Lung a leng ee khamhtu chuahcaan hung phak cun
Liamcia hawidawt hna kha mitthlam ah an cuang
Lungkuaimi le lungretheimi vialte hna
Hnemtu Bawipa kan caah a chuak cang..

Christmas lawmhnak cu nan cungah tlung cio seh
Kan sining kha hrawmpi ding in a chuak cang
Hi vawleicung na nun Herod kaltak law
Van pangpar dawh Khamhtu cu na ton khawh lai..

Kan hngahhlangmi Christmas caan kan lawmh lio ah
Mitthli rual he a ṭaphrammi kan um maw?
Kan thinlung ah Khrih chuahnak hmun chiahpiak in 
Lawm hna usih remnak daihnak Bawi cu..

Chungkhar tling in Christmas caan hmanṭi hna hi
Kan sunhsak cio lawmh le ngeihchiat ton zong ah
Lungthin thar he kan lawmhmi Bawi Jesuh cu
Kan nunnak ah zungzal Bawi si ko seh..

Kan Sunhsakmi Christmas

Tial Tu: Lai Pathian Hla Caan: 22 December


Tho Usih Law, Saṭi Ṭhan Hna Usih
(Lyrics)
Key : F#

Isreal chungchuak mi pa hleihnih kong ruat hmanh
Hringtu sunghno a nu lei tang in andir ahcun
An lakah remnak um lo..

Siseh ciithlah tu an pa lei tang an dir cun
Khat le khat kar lakah dawtnak hri bang a fek
Cu caah ral vialte cu an tei dih..

CHO : 
Nihin kan ram zumtu dihlak mah le pumpak
Buu le tlang le miphun tanh in kan dir dih ruangah
Ral vialte kan sung dih cang..
Hringtu kan Pa Jesuh lei tang in dir usih
Kan ram a rawk cangmi hi remh ti hna usih
Tho usih law saṭi ṭhan hna usih..

Kan ram hruaitu cheukhat cu
Sual lungput kha an ngei i
Pathian mihman hnahchuah nun an ngei..

Cu caah doh ding raltu do loin
Mah le mah dohnak in caan an dih ter caah
Kan ral Setan pennak a kau chin..


Nihin kan ram thawngṭha chim
Evangelist cheukhat cu
David fapa Apslom thinlung an ngei..

Hruaitu nu le pa doh le
Mah pumpak thangṭhat an kawl caah Bawipa
Ram chiat chuahtu an cang tawn..


Samaria khuapi himnak
Tin an ruah mi hruangpi cu
An ca'h hremtu a cang i, mangtam in an thi..

Khrihfabu phung le phai hi
Kan ca'h vengtu si loin
Kan ca'h hremtu le mangtam tlunter tu an si..

Tho Usih Law, Sati Than Hna Usih

Tial Tu: Lai Pathian Hla Caan: 21 December


Tuarnak Pinlei
(Lyrics)
Key : C#

A u le nau nih an zuar cia Josept
Bawipa ca'h zumhtlak tein a nung peng
A tonmi harnak vuivai lo tein
Kan Pathian thiltum hngah zia a thiam ee..

Izipt le Kanaan kar i ram car nun
Zumtu tampi nih kan theithiam tawn lo
Nihin kan tuhmi thaizing zun kan duh
Tuarnak pinlei ah thluachuah cu a um..

Josept cu a ca Pathian thiltum mi
A ih zanmang ah fiang te'n a hmuh chung
Caan karlak harnak mitthli luang hmanhseh
A caan phak tikah a zaanmang a tling..

Zumtu lamthluan hi pangpar dawh phahmi
Lamthluan si lo in hling phah mi a si
Ceih le phai, dohnak hling cu tam hmanhseh
Mitthli pin lei ah chunmang a tling lai..

Kan nih cu zan mang si lo a bia in
Taksa le Thlarau ro kamhmi kan si
Van ah si lo in lei kan nun chungah
A caan phak tikah kan co hrimhrim lai..

Tuarnak Pinlei

Tial Tu: Lai Pathian Hla Caan: 20 December



Thi Ciain Ka Ra
(Lyrics)
Key : G

A caan le suimilam caan cu a nai cang
Ka Pa aw hi hrai hin ka luat ter ko
Siseh law kei i duhnak bang si loin
Nangmah duhnak bang in siseh a ti..

Bawipa na sunparnak ding a si cun
Kei i ka nunnak zong Biaktheng cung ah
Hmang ding in Vailam put in ka ra ee
Thih ding in si lo in thicia in ka ra
Na duh bangin Bawipa ka hmang ve ko..

Bawipa na nun duhnung theithiam a har ko
Sunghnak in teinak hmual cu na langhter
Nautatnak in sunparnak cu na co ii
Cu nun duhnung keneh zulh a har ko..

Jesuh caah Merry khuai mi zihmui nih
Chungkhar a zelh dih i rim a hmui ter
Na ram dawhnak le rim hmuinak a si cun
Ka nun hi khekkhuai law ka hmang ve ko..

Mah nun humhak loin Pa duhnak kawltu
Na nun hmang in Bawipa a sunglawi ee
Chiandeih seh in an thi, mei kangh tuar in an ciam
Siseh an thisen cu bia a chim peng..

Thi Ciain Ka Ra

Tial Tu: Lai Pathian Hla Caan: 19 December


Van Pangpar
(Lyrics)
Key : E

Sualnak in vawlei pi cu a hngilh lio ah
Pathian nih dawtnak thlaici cu a run tuh
Cu pangpar cu caw rawlkuang ah a chuak i
Dawtnak in vawlei dam tertu par a si..

Dawtnak in vawlei ah a hung parmi Khrih cu
Kan miphun le chungkhar a dam tertu zong a si
Thihnak zong a tei i a tho ṭhanmi Bawi a si
a fale nunnak thar kan ngeih ṭhan khawh nak hnga
Vawlei ah a kheomi van pangpar a si..

Dawtnak in a khatmi Bawi duhnung te cu
Vawlei mang Bawi Herod nih tei lai phan ah
Kum thum tang pa ngakchia thisen luan ter maw
Bawi nunnem a pa van Bawi vel hngal lo in..

Vawlei aw na that kho lai lo hrinhniang cu
A vengtu van ralkap rel cawk lo an si
An dawtnak na taang nem ah pom in cohlang
Zungzal in lawmhnak an petu a si philh hlah..

Van Pangpar

Tial Tu: Lai Pathian Hla Caan: 18 December


I Daw Usih
(Lyrics)
Key : D

Maw ka dawtmi u le nau, hi kong hi nan ruat bal maw?
Ih khun cung i nu le va, Pahnih a it mi lak ah
Pakhat cu a thi lai i, pakhat lawng a tang te lai
A nungmi pakhat zong cu, nikhat cu a thi ve lai..

Cucaah kan nun caan tawi te chungah i daw usih
Thih hnu thlan le ruak cung lawng
Ah dawtnak langh ter loin, kan nun chungah nu le va
U le nau i daw usih, Nu le fa i daw usih
Pa le fa i daw usih..

Hringtu nu le pa zong hi, nikhat cu an thi te lai
An nun chung caan tawite ah, Dawtnak leiba cham usih
Thih hnu ruak tuam thil hna le, Thlan le lung donh cung lawng ah
Dawtnak kan langhter mi hi, an ca'h san a tlai ti lo..

Nihin le thaizing kong hmanh, kan nunnak kan thei kho lo
Mitcaw mi bang hna bei in, a tlongleng mi kan si ee
Zan ih merem hnu zinglei, khua ceu hmuh kho ti lo in
Thihnak thlanmual a liammi, u le nau zong an tam cang..

Kan vawlei khua caan zoh ah, hnangamnak a um ti lo
Cung a zuang van lawng chung zong, thinphan dai lo a si cang
Lei a lawn mi tlanglawng le, ti lawng le motor chung zong
Bawipa Jesuh tel lo cun, thut le ih siarem ti lo..

I Daw Usih

Tial Tu: Lai Pathian Hla Caan: 17 December

 

YouTube Subscribe Me NOW!

Copyright © Lai Pathian Hla
Blogger Templates Wallpapers Hack Wfi